Роман Майғазиев - Қауырсын көңіл

Роман Майғазиев - Қауырсын көңіл
Қауырсын көңіл құлады-ау көктен,
Құлады-ау көктен кім көрді?!
Уа, қандай қиын жыламау неткен,
Түксиген күйі түн де өлді.

Бозторғай болып шырылдап кетті-ау,
Шырылдап кетті-ау бұл кеуде.
Көмейде жетпей үнім қап кетті-ау,
Естілмей талай дүрлерге.

Жазықсыз жаным жем болып қалды-ау,
Жем болып қалды-ау қайтемін?!
Сабырсыз сезім сенделіп қалды-ау,
Құдіретің болса айт емін.

Аққудай арман сұңқылдап қалды-ау,
Сұңқылдап қалды-ау айдында.
Өмірдің жасы жылтылдап қалды-ау,
Жоқ əлде менің қайғым ба?!